LAOAG CITY – Naitabonen ti bangkay ti napapatay a Sang. Bayan Member Apolonio Medrano iti ili ti Sarrat.
Ummuna a naipan ti bangkay ni Medrano iti Sta. Monica Chuch para iti misa ken naipan daytoy iti Municipio ti Sarrat para iti programa.
Kalpasan daytoy ket naipan iti Roman Catholic Cemetery ken adda ti naiyuswat a 21-gun salute
Maipalagip a napalto-paltogan ni Medrano iti sangwanan ti Municipal Hall iti nasao nga ili idi Disyembre 6, 2021, sumagmamano a minutos kalpasan ti Flag Raising Ceremony.
Kabayatanna, mangnamama ti pamilya Medrano nga iti kabiitan a panawen ket magun-od ti hustisya iti pannakapapatay ti opisyal.
