LAOAG CITY – Nabirokan a nalamiisen a bangkay ti maysa a lalaki a nakabitin iti Vangies ken Erwin Carinderia iti Brgy. 40 Buyon iti ili a Bacarra.
Nabigbig ti pimmusay a ni Johnsen Von Tagata, agtawen ti 21, awanan asawa, residente ti Brgy. Balatong ditoy siudad ti Laoag.
Segun ti PNP Bacarra, nadiskobre ti pannaka-ama ti biktima a ni Erwin Tubua y Sugi a nakabitin ti biktima usar ti tali iti kayo a truss ti carinderia.
Segun kenni Dr. Manuel Andres, Municipal Health Officer ti nasao nga ili, awan ti nakita na nga senyales a makagpu iti pannakatay na.
Iti inisyal ng imbestigasyon ti PNP, mapapati a ti motibo ti panagpakamatay ti biktima ket gapu iti saan da a panagkinnaawatan iti nobya na nga agnagan ti Angela Rosales a taga Brgy. 3, Bacarra ken agdama nga agub-ubra idiay abroad.
