LAOAG CITY – Kinumpirmaran ni Police Major Julius Basallo, ti chief of police ti PNP-Dingras ti pannakadiskubre ti maysa a bangkay iti Barangay Francisco iti nasao nga ili.
Segun kenni Basallo, ti biktima ket lalaki nga agtawen ti 54, awanan ti asawa ken residente iti nadakamat a barangay.
Inlawlawag na nga inpakammo kenkuana ti Barangay Chairman Narciso Oriente nga adda ti nakita a bangkay iti bassit a kwarto na rason a dagus da a nagturong iti lugar.
Iti panagimbestigar da, naudi a nakita daytoy idi Abril 7 nga agtugtugaw iti waiting shed.
Kunana nga addan ti 24 nga oras ti napalabas sakbay a nakita ti kampamilya nga awanen ti biag ti biktima.
Kinumpirmaran pay ni Basallo a basar iti kapamilya ti biktima, kanayon nga aginom iti nasanger daytoy ken patyen da nga isu ti rason ti pannakatay na.
Naamoan a ti biktima ket maymaysan nga agnanaed iti nasao a kwarto a naikonektar iti pagtaengan ti kabsat na.
Kabayatanna, awan met ti nakita dagiti otoridad a foul play iti pannakatay ti biktima.
