LAOAG CITY – Nasarakan ti maysa a bangkay ti maysa a lalaki iti paset ti kabakiran iti Barangay Zamboanga ditoy siudad ti Laoag.
Iti inisyal nga imbestigasion, nakasuot laeng ti short ti biktima idinto nga awan ti badona a pangngato.
Basar iti pannakisarsarita ti Bombo Radyo Laoag News Team kadagiti residente iti lugar, agarup alas nuebe ti bigat ket adda ti maysa nga indibidual ti mapan koma mangayo iti nasao a lugar ngem kellaat daytoy a nakigtot idi nakitana ti bangkay ti biktima.
Gapu iti daytoy, insigida nga inpakaammona daytoy a pasamak iti Barangay Chairman ken in-report met ti Kapitan ti insidente iti Philippine National Police.
Naammoan nga adda ti lamma ti sumagmamano a paset ti bagi ti biktima iti saan pay a masinunuo a rason.
Iti agdama, agtultuloy ti iwaywayat nga imbestigasion dagiti otoridad ken ti pakabigbigan ti biktima.
