LAOAG CITY – Narekobre ti bangkay ti tricycle driver iti National Highway ti Brgy. 55-A Barit ditoy ciudad ti Laoag.
Nabigbig ti biktima a ni Joselito Balayo y Bumanglag, agtawen ti 40, naasawaan ken residente iti nadakamat a barangay.
Segun ken ni P/Chief Master Sgt. Sean Francis Bugaoisan, nagkamang ni Noel Pasion y Laoan, agtawen ti 36, naasawaan, tricycle driver ken residente met iti Brgy. 55-A ditoy ciudad iti PNP Laoag nga adda iti nadiskubre na a bangkay ti maysa a lalaki iti uneg ti sidecar ti tricycle a nakaparada iti maysa a bakante a lote.
Inbatad ni Bugaoisan, nakita pay ni Sabas Ramos y Ganal, agtawen ti 57, naasawaan, tricycle driver ken residente ti Brgy. 10 iti ili a Sarrat ti biktima nga agsarsarwa iti asideg ti tricycle na idinto a natulid daytoy rason a tinulunganna ken binakkatna ti biktima.
Naammoan nga agsagsagaba ti sakit a Hypertension ni Balayo.
Rumrumuar a ti rason ti pannakatay ti biktima ket Myocardial Infarction wenno Heart Attack.
