LAOAG CITY – Naikeddeng nga iruaren ti Bangko Sentral ng Pilipinas kadagiti sumaruno nga aldaw ti baro a transfer fee kadagiti electronic ken online banking.
Inbatad ni Bangko Sentral ng Pilipinas Deputy Governor Mamerto Tangonan, gagem daytoy ket tapno umadu pay ti umili nga ag-enroll kadagiti online banking.
Naammoan a kaaduan kadagiti reklamo ket nangina ti transfer fee a singsingiren isu a mapukpukawanda ti interes tapno ag-enroll kadagiti online banking.
Babaen iti daytoy ket ad-adu pay a Pilipino ti agkainteres iti digital payments.
