LAOAG CITY – Nangiruaren ti Bangko Sentral ng Pilipinas (BSP) ti P100,000 a comemorative banknotes para kadagiti collectors kagiddan ti National Heroes Day.
Basar iti Bangko Sentral ng Pilipinas a ti commemorative bills ket paset ti numismatic wenno money coin ken printed money collection.
Naaramid ti nasao a kadakkelan a Philippine commemorative banknote idi 1998 tapno iselebrar ti centennial Philippine Independence.
Makita iti sango daytoy ti pugkaw ti rinnupak nga indauloan ni Andres Bonifacio ti banuar ti Katipunan.
Idinto iti likud a paset daytoy ket makita iti proclamation ti Philippine Independence nga indauloan ni Gen. Emilio Aguinaldo idi Hunio 12, 1898 idiay Kawit, Cavite.
Naammoan nga adda ti maysa a ribu a pedaso laeng ti naiprinta para kadagiti collectors.
