LAOAG CITY – Bimmaba iti puwesto ni Bangladesh Prime Minister Sheikh Hasina kalpasan ti sumagmamano nga anti-government protest a nagresulta iti pannakatay ti naruay a tattao.
Rumrumuar nga inkabil dagiti soldado ni Hasina kadwa na ti kabsat na a babai idiay India.
Nagragragsak ti ado a protesters a rimmaot iti balay na idiay Dhaka uray naiget a maipatpatungpal ti curfew hour ken internet.
Maipalagip a nangrugi a nagturay ni Hasina idiay Bangladesh idi 2009.
Idi laeng Enero ket nangabak manen ni Hasina iti eleksyon a nagduduwaan dagiti adda iti oposisyon gapu ta maipagarop a naswitik ti resulta ti botos.
Umabot met iti nasurok a 300 a tattao ti natay gapu iti nalawa a tignay protesta kalpasan a nagusar kadagiti tear gas ken rubber bullets dagiti pulis.
