LAOAG CITY – Naragsak nga inburay ti aktres a ni Bangs Garcia ti panagbalinnan a British citizen.
Iti online account daytoy, nag-post ti aktres ti ladawan nga iggem ti papel a pammaneknek nga addaan daytoyen ti “pledge allegiance” idiay United Kingdom.
Inbatadna a medyo na-delay laeng ti maysa a tawen ti panagbalinna a citizen ngem ita ket kinumpirmaran isuna ni King Charles III ken ti United Kingdom.
Tawen 2017 idi agkallaysa ti aktres iti Filipino-British nga asawana a ni Lloyd Birchmore iti maysa a civil ceremony idiay England.
Kalpasan iti daytoy, simmaruno ti pribado a kasar iti simbaan ken maysa a beach wedding idiay Boracay.
Manipud idin, nagnaed dagitoyen idiay United Kingdom kaduada dagiti dua nga annakda a babai nga isuda Amelia ken Isabella.
