LAOAG CITY – Naipaayan ti resolution of commendation ti Barangay 1 San Lorenzo ditoy siudad ti Laoag babaen ti Sangguniang Panlungsod.
Daytoy ket kalpasan a nagballigi ti nasao a barangay iti Provincial Level iti kaunaan a Lupong Tagapamayapa Incentives Awards wenno LTIA ditoy probinsia.
Segun ken ni Barangay Chairman Manny Morales iti nasao a barangay, dakkel daytoy nga inspirasion tapno igagaedda pay ti agtrabaho iti barangayda.
Inbatadna nga agserbi koma daytoy a karit kadagiti amin a barangay ditoy probinsia tapno ad-adda pay a mapasayaatda ti barangayda.
Inlawlawagna a ti pannakagun-odda daytoy a pammadayaw ket gapu iti alisto a pannakaresolbar dagiti kaso kangrunaanna dagiti nagduduma a problema ti barangay.
Innayonna a dakkel ti epektona ti panagbalin a natalna ken naurnos iti barangay iti pannakagun-odda ti Lupong Tagapamayapa Incentives Awards gapu ta karaman iti evaluation kas criteria ti panagbalinda a kampeon.
