LAOAG CITY – Naiyawaten ti Certificate of Drug Free Barangay iti Barangay 34-B, Gabu East ditoy ciudad ti Laoag.
Ti sertipikasyon ket inyawat ti Philippine Drug Enforcement Agency (PDEA) ken ti Philippine National Police (PNP).
Inbatad ni Barangay Chairman Rodel Legazpi iti nasao a barangay a maragsakan da unay gapu ta nabayagen nga ur-urayen da ti pannakai-award iti barangay da ti Drug Free Barangay.
Nagyaman ti kapitan iti PDEA ken PNP, kagiddan ti panangipasingked na nga aramiden da amin a kabaelan da tapno agtalinaed a Drug Free Barangay iti Barangay 34-B, Gabu East ditoy ciudad ti Laoag.
