LAOAG CITY – Inrakurak ni Atty. Julius Balbas, ti Commission on Election officer ditoy ciudad ti Laoag a saan pay a pormal a naitantan ti pannakaisayangkat ti Barangay and Sang Kabataang Elections intono Disyembre ita a tawen.
Inbatad na nga iyur-uray da paylaeng ti resolusyon manipod iti Commission on Election – Central Office.
Gapu iti daytoy, inpakaammo na nga agtultuloy latta ti panagsagana da tapno masigurado a naan-anay a nakasagana ti opisina da no bilang matuloy metlaeng ti eleksyon.
Iti baet daytoy, kuna na a ti orihinal nga schedule ti panagparehistro da koma para iti Barangay elections ket Hulyo 1-11, ngem gapu iti naipasa a gakat a mangilunglungalong ti pannakaitantan ti eleksyon ket naiyakar ti panagparehistro da intono Oktubre ita a tawen.
Inpasigurado na a met a no bilang matuloy ti eleksyon ket saanda a maamitan ti oras gaputa adda ti sursuruten da a guidelines, agtultuloy latta dagiti aktibidad ken preparasyon ti ahensya.
