LAOAG CITY – Napan insuko ti maysa a kapitan ti dua a kalibre 45 a paltog na iti Philippine National Police ditoy ciudad ti Laoag.
Daytoy ti kinumpirmaran ni Police Lt. Col. Joseph Baltazar, ti chief of police ditoy ciudad ti Laoag.
Binigbig ni Baltazar ti napan nangisuko ti paltog na ket ni Incumbent Bobby Raquiño, residente iti Barangay 34-A, Gabu ditoy ciudad.
Segun ken ni Baltazar, ni Raquiño ket agkandidato a para Barangay Kagawad iti nadakamat a barangay.
Patien ti hepe ti pulisya a ti kangrunaan a rason no apay a napan insuko ni Raquiño ti paltog na ket gapu iti panag-expired ti License to Own and Posses Firearm (LTOPF) na idi Agosto 16 ita a tawen.
Mainaig iti daytoy, inpakaammo ni Baltazar nga immunan a napan insuko ti kapitan iti Barangay Calayab ditoy ciudad iti Laoag ti paltog na iti Philippine National Police.
Kabayatanna, nagpanawagan ni Baltazar kadagiti agkandidato para iti Barangay ken Sang Kabataang Eleksyon a no adda ti ik-ikutan da a paltog a nag-expired ti lisensya na wenno ti License to Own and Posses Firearm na ket nasaysayaat no mapan da isuko ken ipadulin paylaeng iti opisina da tapno saan da a maiyuswatan ti operasyon.
Inpalagip ni Baltazar nga adda ti listaan da kadagiti adda ti ik-ikutan na a paltog ken no kaanu nga ag-expired ti lisensya da.
