LAOAG CITY – Nagtalinaed iti kustudiyar ti PNP-Laoag ti barangay kagawad a napilaan ti reklamo gapo iti maipagarop a vote buying.
Nabigbg daytoy a ni Barangay Kagawad Gilbert Bugaoisan, agtawen ti 54, awanan ti asawa ken residente iti Barangay 7-A ditoy ciudad ti Laoag.
Ummuna iti daytoy, boluntaryo a nagkamang iti PNP ti agnagan ti Rey Carlo Salvatierra, 33, awanan ti asawa ken residente iti laeng iti nasao a barangay tapno isuko na ti kwarta a maipagarop nga inted ti kagawad a tallo a pidaso a genuine 1,000 peso bill.
Ti nasao a kantidad ket naka-stapler ken addaan markings a “Member of House Representative” ken Vote One, Fariñas Ria, PDP-Laban.
Malaksid iti daytoy, adda pay ti maysa a pidaso ti 1,000 peso bill ken 500 peso bill ken ti maipagarop a nakasurat ket “Mayor, Vote for One, Chevylle”.
Kalpasan ti panagreport ti Salvatierra, dagus a nagturong dagiti kameng ti PNP iti Barangay Hall ken binigbig na a mismo ti kagawad a nangited ti kwarta kenkuana.
Inbatad ni Sang. Panlungsod Member ken Atty. Jason Perera, legal counsel ti Team Fariñas nga isagsagana dan ti sumaruno nga addang da seknan iti pannakaipila ti kaso ti barangay kagawad a kadua da gapo iti maipagarop a vote buying.
Segun kenni Perera, idi kalman ket nagpila da ti waiver ken namnamaen da nga ita met laeng nga aldaw ket makarwar ti kagawad.
Patien ni Perara nga awan ti personal a knowledge ti pulis seknan iti daytoy a banag.
Inlawlawag na nga agbalin nga interesting daytoy a kaso apaman nga agsungbat da kadagiti alegasyon ti PNP.
Mainaig iti daytoy, kunana a mangpila da ti kaso kontra iti PNP tapno saanen a maulit ti ibilang na a nakababain nga aramid.
