LAOAG CITY – Kinumpirmaran ni Police Chief Inspector Ralph Dayag, chief of police iti ili a Solsona ti pannakatiliw da ti maysa a barangay kagawad iti Barangay Darasdas ti nasao nga ili iti inwayat da a drug buy-bust operation.
Binigbig na daytoy a ni Benny James Currimao, agtawen iti 43, dati a drug surrenderer, ken residente ken barangay kagawad iti Barangay Darasdas iti ili a Solsona.
Inbatad ni Dayag a malaksid ti dua a sachet a naglaon ti maipagarop a shabu nga inlako ti suspek iti nagpammarang a poseur buyer ket nakaala da pay ti sabali a 3 a sachet a naglaon met laeng ti maipagarop a shabu.
Segun ken ni Dayag, ni Currimao ket tallo a barangay ti namonitor da a sakop na ngem nagkedked daytoy a nangipublikar.
Kuna ni Dayag nga awan ti nagbalin a kaskaso ni Currimao iti barangay da malaksid to laengen iti ipila da a kaso seknan ti illegal a panaglako iti illegal a droga nga ipila da kontra kenkuana.
