LAOAG CITY – Nagtalinaed ti takder ni John Kerwin Bagamaspad, barangay kagawad iti Barangay Bungcag iti Dingras, Ilocos Norte a saanna a kukua dagiti ebidensya a naala dagiti otoridad kontra kenkuana.
Malaksid iti daytoy ket awanen ti inpaay pay a komento ni Bagamaspad seknan ti pannakatiliw na.
Maipalagip a karaman kadagiti nakumpiskar ken ni Bagamaspad iti naiyuswat a drug buy-bust operation ket 2 a sachet a naglaon ti maipagarop a shabu, buy-bust money, ado a magazine ken bala.
Ni Bagamaspad ket Rank number 1 iti Drug watchlist iti PNP ditoy ciudad ti Laoag ken high value target iti Ilocos Norte Police Provincial Office (INPPO).
Kabayatanna, malaksid ken ni Bagamaspad ken natiliw pay dagiti kakadwa na a da Edmar Sahagun ken Edwin Garcia.
Naamoan a ni Bagamaspad ket sumango iti kaso a panaglabsing iti Republic Act (RA) 9165 ken Republic Act 10591 idinto a da Sahagun ken Garcia ket maipilaan da laeng iti panaglabsing iti RA 9165.
