LAOAG CITY – Inpaganetget ti Commission on Elections nga awanen ti agbalin a problema ken matuloy inton Disiembre 1 ti Barangay ken Sangguniang Kabataan Elections (BSKE).
Inbatad ni Commission on Elections Chairman George Garcia nga aramiden a manual counting ti Barangay ken Sangguniang Kabataan Elections.
Mangrugi ti panagbubutos manipud iti ala-7 ti bigat agingga iti alas-3 ti malem.
Mangiyalokar ti Commission on Elections ti nasapa nga oras tapno makabutos dagiti senior citizens, persons with disabilities ken dagiti masikog.
Mangrugi inton Hulio 1 agingga iti Hulio 11 ti registration para iti Barangay ken Sangguniang Kabataan Elections idinto ti filing of certificate of candidacy (COC) ket manipud inton Oktubre 1 agingga iti Oktubre 7.
Binalakadan ti Commission on Elections Chairman a sumango iti kaso dagiti local officials a mangsupsuporta iti kandidatura ti maysa a barangay official no sadinno a maipawil kadakuada nga ikampania wenno usaren ti pundo ti gobierno ken dagiti proyekto para kadagiti kandidato.
