LAOAG CITY – Adda ti maiyuswat a panagsanay dagiti opisyal ti barangay ditoy ciudad ti Laoag para iti panagsebseb ti apoy no bilang adda ti mapasamak nga uram iti bukod da a lugar kagiddan ti pannakaselebrar ti Fire Prevention Month ita a bolan.
Daytoy ti inbatad ni Fire Senior Inspector Ronald Castillo, ti firemarshall iti Bureau of Fire Protection (BFP) ditoy ciudad ti Laoag.
Inlawlawag ni Castillo a no adda ti naan-anay a panagsanay dagiti opisyal ti barangay ket dagitoy ti agserbi a 1st responders iti mapasamak nga uram iti masakupan da a barangay.
Innayon na a babaen iti daytoy ket masebseban a dagus ti apoy ken saanen nga agwaras pay ken mangitunda ti ado a perdisyon.
