LAOAG CITY – Dinangran ti barangay tanod ti maysa a senior citizen iti ili ti Vintar.
Segun ken ni P/Capt. Jofel Pascual, Hepe ti Vintar Municipal Police Station, nabigbig ti biktima a ni Domingo Nicolas, agtawen ti 77, balo ken residente ti Brgy. 22 ditoy siudad ti Laoag idinto a ti suspek ket nabigbig a ni Raffy Piza, agtawen ti 39, awanan asawa ken residente ti Brgy. Banban iti ili ti Bangui.
Inbatadna agarup alas otso idi rabii ket kellaat nga adda ti saan a panagkinnaawatan ti biktima ken ti suspek agingga a nagbinnarada dagitoy iti maysa a food stall.
Inlawlawagna nga immuna a dimmanog ti suspek iti biktima rason a bimmales met isuna iti panangbakalna ti bote ngem nakalisi ti suspek.
Kunana a naminsan manen a dinarop ti suspek ti biktima agingga a nadangranna daytoy.
Naitaray ti biktima iti Rural Health Unit ngem naiyakar iti Governor Roque B. Ablan Sr. Memorial Hospital.
Kabayatanna, basar kadagiti otoridad a dagus met a naglibas iti saan pay a masinunuo a direksion ti suspek.
