LAOAG CITY – Inpakaammo ni Mayor James Bryan Alcid nga agtultuloy a ngumatngato ti mapaspastrek ti City Government iti Laoag City Public Market and Commercial Complex.
Inbatadna nga adda ti inwayatda a bussiness review iti daytoy a bulan wenno iti umuna a lawas iti bulan ti Abril.
Inlawlawagna a no kitaen ti records-da idi 2024 ket makita a ngimmato ti 500 a ribu a pisos idi tawen 2025.
Kunana a daytoy a gatad ket para laeng iti parking fee a napastrek ti nasao a tiendaan.
