LAOAG CITY – Kinumpirmaran ni P/Capt. Emerito Mamenta, Hepe ti Banna Municipal Police Station a problema ti pamilia ti rumrummuar a rason iti panagbekkel ti maysa a barito iti nasao nga ili.
Segun kenkuana, basar iti inwayatda nga imbestigasion ket napan pay laeng naginom ti biktima sakbay a napasamak ti insidente.
Inbatadna nga immuna a nakita ti kabagian ti biktima a nakabitenen daytoy iti sangoanan ti pagtaenganda babaen iti lupot nga agmaris ti puraw.
Inlawlawagna nga awan ti suicide note a nakita dagiti otoridad iti nakapasamakan ti insidente ken awan ti nakitada a foul play.
Maipalagip a nagbekkel ti barito iti sangoanan ti pagtaenganda iti kallabes.
