LAOAG CITY – Kasapulanen ti Pilipinas dagiti baro a COVID-19 vaccines, gapu iti damag a panagwaras ti baro a FLiRT variants ti nasao a virus.
Segun ken ni Department of Health Assistant Secretary Albert Domingo, nupay man epektibo dagiti bakuna kontra iti COVID-19 a naawat dagiti Pilipino a saanen kas iti dati a napigsa daytoy isu a masapol manen a papigsaen ti immunity.
Inlawlawag met ni Domingo a saanda pay a maalarma kadagiti baro a variants ti COVID-19 ngem nagtalinaed dagitoy a nakaalerto.
Innayonna a saan met a kasapulan a maikkan amin ti bakuna no di ket dagiti laeng maibilang nga high risk ti marikriknada.
Kabayatanna, ti napateg ket maaddaan ti bakuna ti pagilian iti kabiitan a panawen para iti naan-anay a seguridad dagiti umili.
