LAOAG CITY – Kiniddaw ti abugado ni dati a Presidente Rodrigo Duterte iti International Criminal Court (ICC) Trial Chamber III a sumango manen iti medical examination ti agtawen ti 81 a dati a Presidente tapno maammoan no kabaelanna pay laeng ti sumango iti panangusig maipanggep iti kasona a crimes against humanity.
Iti maysa a pito a panid a pleading nga addaan ti petsa a Mayo 25 a basar iti defense counsel a ni Peter Haynes a ti immuna a medical assessment ket nausar pay laeng idi pre-trial stage isu nga inpettengna a masapul nga umuna ti dati a Presidente ti medical assessment mainaig iti mapaspasaranna a panangusig.
Inlawlawagna nga obligasion ti korte a kitaen ti kasasaad ti bagi ti akusado iti kada 120 nga aldaw.
Inpanagetget ni Haynes a basar iti pagalagadan ti International Criminal Court ket mabalin a mangibilin ti korte para iti baro a medical, psychiatric wenno psychological evaluation.
Maipalagip nga iti immuna nga status conference idi Mayo 27, inbatad ni ICC Trial Chamber III Presidding Judge a ni Joanna Korner a kitaenda ti kasasaad ni Duterte sakbay a mangrugi ti trial.
