LAOAG CITY – Nagkiddaw ti International Criminal Court (ICC) Trial Chamber III ti maysa a baro a medical examination ken ni dati a Presidente Rodrigo Duterte tapno makita no daytoy ket addaan ti nasayaat a salun-at tapno sumango iti panangusig a naikeddeng a mangrugi inton Nobiembre 30.
Buklen manen ti ICC ti agpada nga independent medical panel a nangtingiting kenkuana idi pre-tial stage daytoy.
Daytoy ket pakabuklan iti eksperto iti forensic psychiatry, geriatric at behavioral neurology, ken neuropsychology.
Naibilin ti medical panel nga ikumparar ti agdama a kasasaad ni Duterte iti rakurakda idi Disiembre 2025 ken kitaen no kabaelanna ti agatendar iti full-time trial a mapamasak manipul Lunes agingga Biernes.
Masapul nga isubmitir dagiti eksperto ti resultana inton Agosto 18 kabayatan nga Agosto 31 met iti kampo n Duterte tapno isubmitir ti komentoda sakbay nga agdesision ti korte no ituloyda ti panangusig a maiyataday iti naikeddeng nga aldaw.
