LAOAG CITY – Inrakurak ni Presidente Rodrigo Duterte ti pannakagatang ti baro a motorsiklo dagiti kameng ti Philippine National Police Highway Patrol Group a pangkamat da kadagiti drug suspect.
Kuna na a ti panagngato ti mapaspasamak a krimen ket gapu ti pannakapalukay dagiti quarantine restrictions.
Segun kenni Duterte, marigatan dagiti pulis a mangkamat kadagiti kriminal nga aglibas gapu ta kabaelan da ti lumusot iti trapiko tapno umadayo kadakuada.
Inbatad na a no mabalin laeng ti mangtraining iti maysa a class wenno 30 a kameng ti HPG ket nasayaaten tapno maipangato ti mobile capacity ti PNP.
Mainaig iti daytoy, kiniddaw ni Duterte kenni DILG Sec. Eduardo Año nga adalen na ti nasao a banag.
Inlungalong na a dagiti masanay a pulis iti panagusar ti motorsiklo ket saanen a kasapulan nga aguniporme da tapno makontra ti kinalimed dagiti kriminal.
