LAOAG CITY – Naipatungpal ti baro a pagalagadan iti Venice, Italy.
Daytoy ket ti pannakaipawil ti loudspeakers ken nalimitaran ti tour group iti 25 a tattao dagiti mapalubusan a mapan bumisita iti Venice.
Ti nasao nga addang ket naipatungpal tapno malimitaran ti impact ti over-tourism iti nalatak a siudad ti Italya.
Maipalagip a ti Venice ti maysa kadagiti kangrunaan a bisbitaen dagiti tattao idiay Europa.
Naamoan a ti over-tourism ti maysa kadagiti sangsangwen nga isyu wenno problema iti Venice gapu ta ti populasyon na ket agarop 250 ribo.
Idi 2019, adda ti nasurok a 13 a milyon a tattao a napan bimmisita idiay Venice.
