LAOAG CITY – Maysa a baro a partido nga idadaulwan ti rapper a ni Rabi Lamichhane ti nakagun-od ti dakkel a suporta iti eleksyon idiay Nepal, a nangipaay ti baro a direksyon iti politika ti nasao a pagilian.
Ti partido ket nakagun-od ti kaadoan a botos manipod kadagiti agtutubo a nauman iti tradisyunal a panangidaulo ken agkalikagom ti reporma.
Basar iti report, ti panagballigi ti grupo ket nangitunda ti pannakabigla dagiti nakairuwaman a partido a nabayagen nga agar-ari iti Nepalese politics.
Maibilang daytoy a pakasaritaan nga addang gapu ta manmano laeng dagiti baro a partido a makaala ti kastoy ti kadakkelan na a mandato iti Nepal.
Nupay kasta, inpetteng dagiti eksperto a dakkel a karit ti sangwen ti baro a liderato iti panangipatungpal kadagiti inkarida ken ti mangidaulo iti pagilian.
Iti baet daytoy, nagtalinaed a nangato ti namnama ti publiko a ti baro a liderato ket mangitunda ti ad-adda nga inklusibo a panangidaulo ken pudno a panagbalbaliw iti Nepal.
