LAOAG CITY – Namulta ti lima ribo a pisos ti maysa a baro gapu iti saanna a panagusar ti face mask ditoy ciudad ti Laoag.
Nabigbig daytoy a ni ORTEZ OPPIC DUDOC JR, agtawen ti 19, baro ken residente iti Brgy. 38-A, Mangato ditoy ciudad ti Laoag.
Segun ken ni WCPD Officer Police LT. Alice D. Vicente iti PNP ditoy ciudad, kabayatan ti panagcheckpoint da pasado alas-7:45 idi rabii ket nakita da a magmagna ni Pudoc nga awan ti face mask na.
Gapu iti daytoy, innala da ni Pudoc ken inyendorsar da iti PNP ditoy ciudad ti Laoag ken naikkan ti citation ticket ken napagmulta ti lima ribo a pisos.
Malaksid ti panagmulta ni Pudoc ket napaayaban pay dagiti nagannak na iti PNP-Laoag.
Ni Pudoc ti kaunaan a napagmulta ti lima ribo a pisos gapu iti saanna a panagsuot ti facemask ditoy probinsya.
