LAOAG CITY – Kinumpirmaran ni Police Major Antonio Marzan Jr., ti deputy chief of police ti PNP-Batac ti panagpakamatay ti maysa a lalaki iti Barangay Baoa-East iti nadakamat a ciudad.
Iti inisyal nga imbestigasyon dagiti otoridad, itay napan inpastor ti maysa a kagawad ti taraken na a kalding idi nakita na ti biktima a nakabitin iti puon ti kayo a mapatta-patta a lima a kadapan laeng ti kangato na.
Segun kenni Marzan, iti palawag ti ina ti biktima nga addan ti gundaway a ginandat manen ti maseknan ti nagpakamatay ken maibagbaga na nga aramiden na daytoy iti saan a masinunuo a rason.
Agpapan maisursurat ti damag ket saan da pay a nalukatan ti cellphone ti biktima iti posibilidad a makaala da ti impormasyon.
Agtultuloy met ti imbestigasyon dagiti otoridad tapno maamoan no anya ti rason a nagbekkel ti biktima.
