LAOAG CITY – Inpakaammo ni Bayan Chairperson Teddy Casiño nga isagsagana ti Progressive and civil society groups ti pannakaipila ti baro nga impeachment complaint kontra kenni Vice President Sara Duterte.
Maipila daytoy iti apaman a malpas ti one-year ban intono Pebrero 2026.
Segun kenni Casiño, karaman kadagiti pagibasaran iti impeachment complaint ti maipagarup a “betrayal of public trust” mainaigiti maibagbaga a saan nga usto a pannakausar ti confidential funds.
Inbatad na a posible a manayunan pay dagiti reklamo nga ipila da kontra kenni Duterte.
Maipalagip nga inbatad ti Korte Suprema a ti rason ti panangideklara na a null and void dagiti immunan nga articles of impeachment kontra kenni Duterte ket ti panaglabsing iti one-year ban ti multiple complaints ken due process requirements.
Innayon ti Korte nga aniaman a sumaruno nga impeachment complaint ket mabalin laeng a maipila mangrugi iti Pebrero 6, 2026.
