LAOAG CITY – Naiyuswat ti eleksyon para kadagiti opisyal ti sanghera idiay Barangay San Marcelino iti ili ti Dingras.
Napili a Presidente ni Mr. Denver dela Cruz, Vice Presidente ni Jerry Lawaan, Secretary ni Wilmer Teodoro, Treasurer ni Jerry Pascua, Auditor Noli Calaoag ken ti Board of Trustees ket da Wilson Ventura ken Joseph Gudoy.
Ti naiyuswat nga eleksyon ket inimatangan dagiti pannakabagi ti National Irrigation Administration (NIA) ken kasta met dagiti sumagmamano nga opisyal iti nasao nga ili.
Karaman ditoy da Outgoing Mayor Erdio Valenzuela ken dagiti amin a konsehal iti ili ti Dingras.
Nupay kasta, saan a nakibiag ni Valenzuela no di ket isuna laeng ti nangurnus ti pannakaiwanwan ti eleksyon.
Maipalagip a nagbalin a kontrobersyal ti panagpili ti opisyal ti sanghera ti nasao a barangay gapu ta ti naglabas nga eleksyon ket saan a nagkakasurutan dagiti maseknan.
