LAOAG CITY – Ngimmato manen ti bilang dagiti impeksion iti COVID-19 nga adda ti positibo a panangtingiting para iti SARS-CoV-2 a nasurok 20% iti panawen ti kalgaw idiay Europa.
Iti intero a lubong, ti test positivity ket sumurok-kumurang a 10%.
Nakiat ti Estados Unidos ti panagngato dagiti naospital nga arig kalpasan a nagraira ti COVID-19 idiay Singapore.
Ti umuna ket nabigbig kas KP.3 ken ti sub-variant daytoy a KP.3.1.1 idinto a ti maikadua ket ti XEC, maysa a “recombinant” a variant nga adda ti koneksionna iti KP.3.
Ti KP.3 ket maibilang a Variant of Concern (VOC) idiay Estados Unidos ti The US Center for Disease Control and Prevention (CDC) gapu iti KP.3 ket nagraira iti nasao a pagilian idi Agosto.
Posible nga al-alisto nga agwaras dagiti Variant of Concern wenno mangitunda ti nakarkaro a sakit.
Basar iti report, napateg a lagipen a ti KP.3 ket saan nga iti sangalubungan a Variant of Concern no di ket idiay laeng Estados Unidos.
Ti KP.3 ket maysa kadagiti klase dagiti variant ti SARS-CoV-2 a mabigbigbig a variant ti FLiRT idinto a ti SARS-CoV-2 ket virus a mangitunda ti COVID.
