LAOAG CITY – Nakaaramid ti pakasaritaan iti ili ti Piddig kalpasan a nagun-od na ti kaunaan a gundaway a panagkampeon na iti Tan-ok ni Ilocano Festival of Festivals a naisayangkat iti Ferdinand E. Marcos Jr. Stadium ditoy ciudad ti Laoag.
Intampok ti nasao nga ili ti Basi Festival ken nakaawat da ti premyo a 1-milyon a pisos.
Napagasatan met iti ili ti Vintar a napili kas 2nd runner-up babaen iti intapok da a Siwawer Festival ken nakaawat da ti 500 a ribo a pisos a premyo.
Ti ciudad ti Batac a kampeon iti napalabas a tawen ket nagbalin a 3rd runner up babaen iti intampok da nga Empanada Festival, ken nakaawat da ti premyo nga 400 a ribo a pisos.
Kabayatanna, dagiti met napili iti major awards ket ti 1st runner up iti ili ti Nueva Era (Tadek Festival); 2nd runner up iti ili ti Adams (Ginginubat Festival), 3rd runner up iti ili ti Dumalneg (Panagwawagi Festival; 4th runner up iti ili ti Banna (Abuos Festival) ken ti 5th runner up ket iti ili ti Currimao (Dinaklisan Festival).
Iti met biang iti Special awards ket napili kas Best female performer ni Miss Janellie Ericka Ornas manipod iti ciudad ti Batac idinto a ti Best Male Performer ket ni Lance Wenceslao manipod iti ili ti Banna.
Nagbalin met kas Best choreography and Direction ken Best Design iti ili ti Piddig; Best Festival Music iti ili ti Dumalneg idinto a ti Sustainability Prize Winner ket iti ili ti Pinili ken iti ili ti Currimao ket nakaawat iti Innovation Prize Winner.
