LAOAG CITY – Kinarit ti grupo a Bayan Muna ni Pres. Ferdinand Marcos Jr. a sertipikaran kas “very urgent” ti mailunglungalong nga Anti-dynasty bill.
Segun kenni dati a Bayan Muna Rep. Carlos Isagani Zarate, babaen iti daytoy ket maipakita ti Malakanyang no kasano ti kina-seryoso na iti panangipasa ti gakat.
Inpetteng na a nasken a saan laeng a pagbalinen a priority bill daytoy no diket rumbeng a masertipikaran kas urgent tapno dagus a maipasa.
Kunana a daytoy ket gapo ta saan a maliklikan nga agpanunot ti publiko no daytoy ket maibilang laeng a damage control wenno PR gimmick.
Inlawlawag na a saan a linged iti kaadoan no kasano ti kaado dagiti isyu a sangsangwen ti pagilyan iti agdama.
Malaksid iti daytoy, kuna na a nabayagen daytoy a nakapenpen no sadinno umaboten iti uppat a dekada sipud idi ummuna a nailungalong.
Mainaig iti daytoy, kalikagom ti Bayan Muna a probisyon iti daytoy ket ti pannakaipawil iti agkakapamilya agingga iti 4th degree of consanguinity ti mangiggem iti posisyon.
