LAOAG CITY – Manamnama nga agkita ti aktres a ni Bea Alonzo ken ti dati a driver daytoy a nangipila ti reklamo iti National Labor Relations Commission tapno maaddaan ti panagsarita.
Segun iti abugado ti aktres a ni Atty. Joey Garcia a manamnama nga agsarita ita nga aldaw ti aktres ken dati a driver daytoy a ni Efren Delos Reyes Jr.
Daytoy ket kalpasan nga inrekkamo ti driver-na iti kinaawan ti bayad iti nightshift, overtime pay, holiday pay, 13th month pay, illegal dismissal, maltreatment, harassment ken ti bayad iti separation pay.
Inbatad ni Garcia a naawat ti aktres ti physical copy ti reklamo idi Hunio 25.
Kinumpirmaran met ni Garcia a ni Delos Reyes ket addaan ti relasion iti “online basher” ti aktres nga immunan a nakasoan gapu iti panangdadaelna ti dayaw iti aktres.
