LAOAG CITY – Kinablaawan ni US President Donald J. Trump dagiti uppat nga astronaut ti Artemis II kalpasan ti naimballigian a siyam nga aldaw a misyon da iti lawlaw ti bolan ken natalged nga splashdown iti baybay iti asideg ti San Diego, California.
Segun iti presidente, “spectacular” ti sibubukel biyahe ken “perfect” ti panaglanding ti Orion spacecraft.
Inrakurak na pay ti panangipannakkel na kadagiti crew nga isuda Reid Wiseman, Victor Glover, Christina Koch, ken Jeremy Hansen, ken inimbitaran na dagitoy a bumisita iti White House iti kabiitan a panawen.
Innayon ni Trump a plano da nga uliten ti misyon ken ti sumaruno a target da ket ti planeta a Mars, kagiddan ti agtultuloy a suporta ti gobierno iti programa nga patuloy na suporta ng pamahalaan sa programa nga Artemis ti NASA.
Ti Artemis II ket nakairekord ti baro a rekord kas kaadaywan a distansya a nadanun ti tao manipod iti lubong nga umabot iti nasurok nga 400,000 a kilometro, ken nangipaay kadagiti ladawan a naala manipod iti lunar orbit karaman ti buya iti “Earthset.”
Ti naimballigian a panagsubli dagiti crew ket makitkita a napateg nga addang para iti Artemis III, a manamnama a mangitunda kadagiti astronaut iti rabaw ti bolan iti kaunaan a gundaway sipud pay idi 1972.
Immuna iti daytoy, balligi a nakasubli iti Earth ti Artemis II kalpasan ti pakasaritaan nga splashdown iti baybay iti asideg ti San Diego, California, ken nasalun-at amin dagiti uppat nga astronauts.
Manipod iti kapardas a 23,000 mph (37,000 km/h) iti iseserrek na iti atmospera, bimmayag ti kapsula iti tulong ti multi‑stage parachute system agingga iti 20–30 km/h sakbay a nag-splash down.
Dagus a nagresponde U.S. Navy manipod iti USS John P. Murtha tapno sabaten dagiti crew para iti medikal a panangtingiting ken recovery operations.
