LAOAG CITY – Immunamong ni defense spokesperson Atty. Michael Poa iti panawagan ni Rep. Teryy Ridon a masapol a pantay ti pannakaipatungpal ti sub judice rule, kalpasan ti stern warning ti impeachment court.
Daytoy ket kalpasan ti panangipetteng ni Ridon a masapol a kitaen ti nagbalin a rakurak ni Vice President Sara Duterte, no sadinno nga inawaganna a “Sarsuela” ti impeachment proceedings.
Segun ken ni Poa, sangoen daytoy ti depensa no agbalin daytoy nga isyu iti impeachment court wenno aniaman kadagiti rakurak ti Bise Presidente.
Inpetteng ni Poa a paborda iti fairness.
Malaksid kadaytoy, dinakamat pay ni Poa nga ammo ni VP Sara ti sub judice rule.
