LAOAG CITY – Kinettel ti maysa a Beauty Salon Owner ti bukodna a biag iti uneg ti pagtaenganda iti Barangay Pagsanaan Sur iti ili ti Badoc.
Ti biktima ket agtawen 50 ken residente iti isu met laeng a nasao a lugar.
Segun ken ni Pol.Lt Jonathan Alonzo, ti Chief of Police ti Philippine National Police (PNP) Badoc a ti biktima ket nasarakan ti kabsatna a babai iti oras ti alas-10:30 ti bigat no sadinno a nakabitin daytoy iti salas iti mismo a pagtaengdanda.
Basar iti imbestigasion, idi napasamak ti insidente ket awan ti kadwa ti biktima iti pagtaenganda isut gapuna a ditoyen ginundawayan na ti nangkettel iti bukodna a biag.
Kuna ni Alonzo a nagusar ti nylon rope ti biktima ken saan unay a nangato ti nangiplastaran na ti bagina.
Inbatadna a ti rumrumuar a rason no apay a naaramid ti biktima ti nangkettel ti bukodna a biag ket gapu iti problema iti pamilya, ngem awan ti inaramid na a suicide note tapno maamoan ti bukodna a karirikna.
Naamoan a ti biktima ket agkasangay pay ita nga aldaw ti Mierkoles, Hulio 29.
Kabayatanna, nagpalagip met ni Alonzo a no adda man dagiti problema ti biag ket saan a solusion ti panangkettel ti biag no diket adda dagiti sidadaan a tulong a mabalin a maipaay para iti pannakasolar ti aniaman a problema.
