LAOAG CITY – Inpakaammo ni Engr. Shia Opelac, mangidaulo iti City Agriculture Office iti pannakaiyuswat ti Benteng Bigas Program ditoy siudad ti Laoag.
Inbatadna a daytoy a programa ket paset iti nalawlawa a gannuat ti Department of Agriculture – Philippines ken ti National Food Authority (NFA) tapno agtalinaed a nalaka ti presio ti bagas para kadagiti Pilipino a nakibinnuligan iti City Government of Laoag iti babaen ken ni City Mayor Hon. Jmes Bryan Alcid.
Kinunana a dagiti kualipikdo a benepisiario ket pakairamanan iti Rice Farmers and Farm Workers, Fisherfolk, Senior Citizens, Solo Parents, Persons with Disabilities (PWDs), Indigent Households/4Ps Beneficiaries, Jeepney Drivers, Tricycle Drivers, Minimum Wage Earners, DepEd Teachers and Non-Teaching Personnel.
Innayonna a mangitugot laeng dagitoy ti Valid ID para iti pannakaberipikar ken ti maximum a magatang dagiti mannalon ket 10 a kilos tunggal transaksion, a mabalin pay a maka-avail-da ti 50 a kilos depende iti pannakaiyalukar ken first come, first served basis.
