LAOAG CITY – Nakaaramid ti rekord iti pakasaritaan ti Grammy Awards ni Beyonce.
Daytoy ket kalpasan nga isunan ti akin-iggem ti most- nominated artist of all time.
Gapu iti daytoy, naartapannan ti asawana a ni Jay-Z.
Naammoan a dagiti agasawa ket agpada nga addaan ti 88 nomination gapu iti barona nga album a Cowboy Carter ket naartapanen ni Beyonce.
Ita a tawen ket addaan isuna ti 11 nominations pakairamanan ti best Album, best country album ken song of the year a “Texas Hold’Em.”
Sumagmamano kadagiti addaan ti kaadduan a nominees a sag-pito iti tunggal maysa ket isuda Billie Eilish, Kendrick Lamar, Post Malone ken Charli XCX.
Addaan ti sag-innem a nominations da Taylor Swift, Sabrina Carpenter ken Chappel Roan.
Karaman met ti legendary band a The Beatles a nominado iti record of the Year a “Now And Then” a maysa a saan a naileppas a kanta ti bokalista a ni John Lennon nga inbirokandan ti wagas babaen iti artificial intelligence wenno AI.
Maiyuswat ti ceremony ti Grammy Awards idiay Los Angeles inton Pebrero 2, 2025.
