LAOAG CITY – Inbatad ni Fire Chief Inspector Roxanne Parado, ti firemarshall ditoy probinsya a naiget ti panaginspeksyon da kadagiti amin a pagtagilakoan ti paputok ditoy Ilocos Norte.
Kuna na nga itultuloy da ti aginspeksyon agingga intono disyembre 31 ita a tawen.
Inpalgak na a masapol a dagiti aglaklako ti paputok ket addaan ti pang-first aid no adda ti mapasamak nga uram.
Inlawlawag na a karaman a rumbeng nga isagana a kanayun dagiti aglaklako ti paputok ket ti fire extinguisher, signage ti “No Smoking” ken “No testing of Firecrackers” iti mismo a lugar.
Malaksid iti daytoy, saan a mabalin nga agluto dagiti aglaklako iti mismo a pwesto da ken kangrunaan na ket rumbeng nga adda ti permit nga aglako dagiti maseknan.
Kabayatanna, inpetteng ni Parado a saan a mabalin ti aglako iti online kadagiti paputok isut gapuna a saan koma a sappuyuten wenno suportaran ti publiko.
