LAOAG CITY – Pinalagipan manen ni Fire Senior Inspector Ronald Castillo, ti Fire marshall ti Bureau of Fire Protection (BFP) ditoy ciudad ti Laoag ti publiko seknan iti panagusar ti paputok wenno ti “Oplan Paalala Iwas Paputok”.
Segun kenni Castillo, masapol nga agannad dagiti tattao iti panagusar ti paputok tanp maliklikan ti anyaman nga insidente.
Kunana a daytoy ket naipalaon iti tema ti programa a “Sa Pag-Iwas sa Sunog, Hindi ka Nag-iisa”.
Inpetteng na a babaen iti panagannad ken babaen iti daytoy a programa ket awan dagiti agbalin a problema kas iti uram nangruna ket idi tawen 2020 ket dakkel ti nagbabaan ti fire incident iti intero a pagilyan.
Dinakamat na nga iti babaen ti programa, adda ti inaldaw a panag-roving iti intero a ciudad.
Mainaig iti daytoy, kunana nga adda pay ti maiyuswat a seminar babaen iti zoom kadagiti Barangay Fire Brigade.
Kabayatanna, addan ti 18 nga indibidual ti nangala ti clearance para iti panaglako da ti paputok ken daytoy to ti naiget a bantayan dagiti kameng ti BFP.
