LAOAG CITY – Inbaga ni Fire Senior Inspector Ronald Castillo, ti firemarshall ditoy ciudad ti Laoag a saanda a ninamnama ti panagsublin iti operasyon ti ME shopping Center kalpasan ti nasurok a makabolan sipud nauram ti maikatlo a kadsaaran ti nasao a pasdek negosyo.
Kuna na a gapu iti napaot a pannaka-expose iti apoy ti structural ti building ket kiniddaw na kadagiti Building Officials ditoy ciudad a mapan da inspeksyunen ti nasao a pasdek negosyo.
Daytoy ket tapno maamoan no kasanu pay ti katibker ti pasdek.
Inbatad na nga adda ti posibilidad na a gapu iti nakaro a pannaka-expose iti apoy ti structional ti building ket alisto a marba no adda ti mapasaran a nakapsot laeng a gingined.
Inpakaammo ni Castillo a mapan da aginspeksyon iti nasao a pasdek negosyo kadwa da dagiti kameng ti City Engineering Office ita nga aldaw.
