LAOAG CITY – Nagpalagip ni Fire Superintendent Roxanne Parado kadagiti amin nga umili ditoy probinsya tapnu maliklikan ti uram.
Segun kenni Parado, saanna a kayat a sawen a no nalpasen ti dry season ket awanen dagiti posibilidad nga adda dagiti mapasamak nga uram gapu ta mabalin latta a mapasamak daytoy no saan a kitaen a nasayaat dagiti mabalin a pangrugyanan na.
Dinakamat pay ni Parado dagiti kangrunaan a mabantayan tapno maliklikan ti uram kas kadagiti business establishment, school facilities, pagtaengan ken amin a klase ti establishimento.
Inpakaammo na nga adda ti regular inspection maipanggep ti fire safety no sadinno a mangnamnama nga amin a rekomendasyon ket suruten dagiti umili tapno makaliklik iti uram.
Innayon na a mismo a dagiti umili ti agbalin a bombero kadagiti sanikwa, gapu ta narigat ti mauraman isut gapuna a kasapulan ti naan-anay a panagan-annad, agdalus kadagiti aglawlaw tapno maliklikan dagiti possible a pangrugyan ti apoy.
