LAOAG CITY – Dakkel a karit para iti Bureau of Fire Protection (BFP) iti ili ti Pagudpud iti pannakauram ti maysa nga abandona a balay iti Barangay Balaio iti nadakamat nga ili.
Segun kenni Senior Fire Officer II Keith Howell Cuepo, ti fire marshall ti BFP-Pagudpud, daytoy ket gapo ta awan met ti kuryente iti nadakamat a pagtaengan ken awan dagiti mapmapan iti daytoy.
Inlawlawag na a ti nauram nga abandonado a pagtaengan ket nakaitambakan kadagiti kaykayo a nainyanod iti baybay.
Inbatad na pay nga adayo kadagiti kababalayan ti nakapasamakan ti uram ket idi adda ti nakakita ket dakkelen ti apoy.
Iti agdama, kunana nga ammoen da no adda ti foul play iti pannakauram ti abandonado a pagtaengan ken ti balor ti nadadael.
