LAOAG CITY – Natay ti maysa a Bgy. Tanod idinto a maag-agasan ti kadua na iti ospital kalpasan ti disgrasya a napasamak iti national highway paset ti sitio Regta, Bgy. Baduang iti ili ti Pagudpud.
Nabigbig ti Bgy. Tanod a ni Rayan Tabura, agtawen iti 34, naasawaan ken ti inlubbbon a ni Fernando Conception, agtawen iti 48, naasawaan ken agpada a residente iti nasao a barangay.
Iti inbestigasyon ti PNP-Pagudpud, nakalugan dagiti dua iti motorsiklo ket bayat a taltalantanen da ti nasao a paset ti kalsada, na lost control ni Tabura ti manibela ti uggor na a motorsiklo ket maipagarup a dinungpar da ti poste ti “cable” kalpasan na ket naregreg da iti kataltalunan.
Nagsagaba dagiti dua iti dunor kadagiti nagduduma a paset ti bagi da kangrunaan na iti ulo ni Tabura a posible a rason iti pimmusayan bayat a maag-agasan iti ospital.
