LAOAG CITY – Napaay ni Karl Eldrew Yulo a makagun-od ti medalya iti men’s floor exercise ti Osijek Leg ti FIG Artistic Gymnastics World Cup Series a maisaysayangkat iti Gradski VRT Hall idiay Osijek, Croatia.
Naala laeng ni Yulo iti maikapito a puesto kalpasan a nagrehistro ti 13.600 puntos.
Simmabak ni Yulo nga adda ti ang-angalenna nga injury iti sakana kagiddan iti bannogna gapu iti uppat a nagsasaruno a torneo a nakipasetan daytoy.
Indauloan ni Tokyo Olympics gold medalist ken 2023 world champion Artem Dolgopyat ti Israel a nagisubmitir ti 14.500 puntos para iti balitok.
