LAOAG CITY – Nakastreken iti finals ti horizontal bar ti gymnast a ni Karl Eldrew Yulo iti maiyus-uswat nga FIG Artistic Gymnastics World Cup idiay Croatia.
Nagun-od ni Yulo ti puwesto kalpasan a nakaiskor ti 13.733 a puntos, a nangikabil kenkuana iti maikapito a pwesto iti qualification round ti nasao nga apparatus.
Daytoy ti maikadwa a gundaway a nakadanun ni Yulo iti finals iti Croatia leg, kalpasan a napaay iti floor exercise finals.
Naituding a maiyuswat ti horizontal bar finals intono Domingo, Abril 12.
Agtultuloy a dumurdur-as ti performance ni Yulo iti international stage, a mangipapaay ti pammadayaw iti Pilipinas iti benneg ti gymnastics.
