LAOAG CITY – Manarimaan a maisaysayangkat ditoy probinsia ti “biggest looser.”
Daytoy ti inpakaammo ni Ms. Elma Irapta, mangidadaulo ti Provincial Nutrition Action Office.
Inlawalwagna a ti “biggest loser” ket maysa a kompetision para kadagiti indibidual nga obese nga aggigiddan nga agpakuttong iti unos ti uppat a bulan manipud idi Hulio agingga iti Oktubre ita a tawen.
Kunana a no asino kadagiti nakipagpaset ti addaan ti kadakkel ti nagbabaan ti timbangna ket isu ti maideklarar a mangabak.
Inbatadna a dagiti nakipagpartisipar ita a tawen ket nagtipon a babbai ken lallaki nga agtawen ti 20 agingga iti 60.
Mainaig iti daytoy, inpakaammona a dagiti nakipagpaset ket adda ti monthly assessment-na agingga iti panagngudo ti kompetision a pakangabakan ti 10 nga indibidual ken manamnama a makaawatda ti cash prize.
Kabayatanna, kuna ni Irapta nga agserbi met dagiti Nutritionist ken Dietitian a mangtulong iti Provincial Nutrition committee a mang-assist kadagiti participants nangnangruna iti pannagipaay ti advice no ania ti mabalin a wagas a mangpababa iti timbangda.
