LAOAG CITY – Narugyanen a maipatakder dagiti dua a tower a pakaestablisaran ti “bike line” iti Siwawer Dam wenno Vintar Dam iti ili ti Vintar.
Inbatad daytoy ni Mr. Erwin Suguitan, Municipal Tourism Officer ti nasao nga ili.
Segun ken ni Suguitan, ikarigatan da a mairingpas daytoy agingga iti “summer” iti masungad a tawen.
Kuna na a nabayag a planon ti gobyerno municipal ti ili da ti nasao a proyekto a bike line ken zip line gapu ta addan lima a tawen a plinano da ken napundoan daytoy iti 10 a million a pisos.
